जर्जियामा २ सय १ जोडीले सामुहिक चुम्बन गरेर गिनिज बुकमा नाम लेखाएका छन् । जर्जियाको अस्टलस्थित एक पार्कमा जम्मा भएका जोडीहरुले शनिवार यस्तो किर्तिमान राखेका हुन् ।
कीर्तिमानी चुम्बन कार्यक्रमका लागि पार्कलाई क्रिसमस बेलको प्रकाशले सजाइएको थियो । रंगीचंगी लाइटले पार्कको माहोललाई रोमान्टिक बनाएको थियो । सोही दौरान युगल जोडीहरुले एक अर्काको हात पक्रे र झण्डै १० सेकेण्ड सम्म एक अर्कोलाई चुम्बन गरिरहे । नयाँ रेकर्ड बनाउनका लागि उनीहरुलाई १० सेकेण्डको समय दिइएको थियो ।
कार्यक्रममा गिनिज बुक अफ वर्ल्ड रेकर्डस्का अधिकारी पनि पुगेका थिए । कार्यक्रम निकै रोमान्चक भएको उनले बताए । साथै उनले उक्त कार्यक्रमलाई विश्व किर्तिमानीको प्रमाणपत्र पनि प्रदान गरे ।