यो बर्ष बलिउड नायक सलमान खानले दुइवटा सफल चलचित्र दिए । ‘बजरंगी भाइजान’ले ३ सय करोड माथिको व्यापार गर्यो भने ‘प्रेम रतन धन पायो’ले २ सय करोड माथिको व्यापार गर्यो ।
तर, गतबर्ष सर्वाधिक कमाउने बलिउड कलाकारको सूचीको पहिलो स्थानमा रहेका सलमान खान यो बर्ष भने एक स्थान तल झरेका छन् ।
यो बर्ष उनलाई नायक साहरुख खानले उछिन्दै पहिलो स्थान कब्जा गरेका छन् । साहरुख यो बर्षका लागि बलिउडको सर्वाधिक पावरफुल स्टार बनेका छन् । कमाई र अन्य विभिन्न आधारमा कलाकारको यो सूची तयार पारिएको छ ।
विश्वका धनाढ्यहरुको आम्दानी सार्वजनिक गर्दै आएको चर्चित ‘फोब्स’ म्यागेजिनले यो बर्षका चर्चित बलिउड कलाकारको आम्दानी सार्वजनिक गरेको हो ।
२ वटा हिट चलचित्र सलमान खानले दिएतापनि साहरुखले आफूलाई पहिलो नम्बरमा राख्न सफल भएका छन् । साहरुखलेे सन् २०१५ मा २५७.५ करोडको आम्दानी गरेका छन् । यता, नायक सलमान खानले २०२.७५ करोड कमाई गर्दै आफूलाई दोश्रो स्थानमा राख्न सफल भएका छन् ।
साहरुखको यो कमाई बलिउडका अहिलेसम्म कुनै कलाकारले एक बर्षमा कमाएको सवैभन्दा धेरै रकम हो । यो बर्ष बलिउडका १०० जना सेलिब्रेटीले २ हजार ८ सय १९ करोड आम्दानी गरेका छन् ।
नायक आमिर खानले आफूलाई उत्कृष्ट ५ मा राख्न सफल भएका छन् । उनले १०४.२५ करोड आम्दानी गर्न सफल भएका छन् । क्रिकेटर महेन्द्र सिंह धोनीले आफूलाई चौथो स्थानमा राख्दै ११९.३३ करोड आम्दानी गरेका छन् । नायक अमिताभ बच्चनले भने ११२ करोड आम्दानी गरेका छन् ।
तर, पनि उनी पावरफुल सेलिब्रेटीको सूचीमा तेश्रो नम्बरमा छन् । १०४.२५ करोड कमाएका नायक आमिर खान पाचौ नम्बरमा पर्न सफल भएका छन् । ‘पीके’ चलचित्रको सफलता र विभिन्न ब्रान्ड इन्डोर्सका कारण आमिर खानको यो बर्ष आम्दानी बढेको छ ।
साहरुख यो सँगै तेश्रो पटक बलिउडको सर्वाधिक चर्चित कलाकारको सूचीको पहिलो स्थानमा पर्न सफल भएका छन् । गतबर्ष उनलाई सलमान र अमिताभ बच्चनले जितेका थिए ।
-